स्वास्थ्य सेवा विभागमा ल्याईए पन्त, चौधरीको काज फिर्ता

प्रकाशित मिति : २०७३ माघ ७ शुक्रबार
वेब : तस्वीर

काठमाडौं। स्वास्थ्य सेवा विभागको महानिर्देशकमा डा. राजेन्द्र पन्त नियुक्त भएका छन् । २७ वर्षदेखि जनस्वास्थ्य क्षेत्रमा काम गर्दै आएका डा. पन्त महानिर्देशक हुनुअघी वाल स्वास्थ्य निर्देशनालयका निर्देशकको रुपमा रहेका थिए ।

माघ ६ को मन्त्रीस्तरिय निर्णय अनुसार डा पन्तलाई महानिर्देशकमा बनाइएको हो। लामो समय पव्लिक हेल्थका क्षेत्रमा काम गरेका डा. पन्तको आगमन पछि विभागमा अझ व्यवस्थित काम हुने भन्दै कर्मचारीहरु समेत खुशि देखिएका छन् । उनीहरुले विभिन्न प्रशासनिक काम गर्नुपर्ने विभागमा यसै क्षेत्रका जानकारहरुको प्रवेशले स्वास्थ्य क्षेत्र अझ बढी प्रभावकारी बन्ने अपेक्षा आफूहरुले राखेको बताएका छन् ।

विभागमा यस अघि प्रसुती विभागबाट काजमा ल्याईएकी स्त्रीरोग विशेषज्ञ डा पुष्पा चौधरीले महानिर्देशकको काम सम्हाल्दै आएकी थिईन् । उनले विभागमा झण्डै दुई वर्ष कार्यभार सम्हालेकी थिईन् । डा. पन्तलाई महानिर्देशकको बनाइएसँगै डा. चौधरीको काज फिर्ता भएको छ । स्वास्थ्यमन्त्री गगन थापा आए लगत्तै एकै ठाउँमा लामो समय काजमा बस्न नपाउने निर्देशिका जारी गरिएको थियो।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ