अष्ट्रेलियन ओपन टेनिसः नाडाल र फेडेरर नै भिड्ने सम्भावना
महिलातर्फ तीन अमेरिकन सेमिफाइनलमा
प्रकाशित २०७३ माघ १२ बुधबार
846
Shares
मेलबर्न । पूर्वविश्व नम्बर एक खेलाडीहरु रफाइल नाडाल र रोजर फेडेरर लामो समयपछि कुनै ग्राण्डस्लामको उपाधिका लागि फाइनलमा भिड्ने सम्भावना बढेको छ ।
१७ पटकका च्याम्पियन फेडेरर र १४ पटकका च्याम्पियन नाडाल उपाधिका दावेदार देखिएका छन् । स्पेनिश खेलाडी नाडालले सेमिफाइनलमा बुल्गेरियन खेलाडी ग्रेगर दिमित्रोभसंग खेल्दैछन् ।
त्यस्तै फेडेरर आफ्नै राष्ट्रका स्टानिस्लास वावरिंकासंग खेल्नेछन् ।
महिलातर्फ भने सेमिफाइनलमा अमेरिकाका तीन खेलाडी पुगेका छन् ।
अमेरिकाका दिदीबहिनी भेनस र सेरेना तथा कोको भान्डेवेगे सेमिफाइनलमा पुग्दा क्रोएसियन खेलाडी मार्जाना लुसिक बारोनी पनि अन्तिम चारमा ठाउँ बनाउन सफल भएकी छिन् ।
सेमिफाइनलमा सेरेनाले बारोनीसंग तथा भेनसले कोकोसंग खेल्नेछिन् ।
]
