काठमाडौँ नेकपा (माओवादी केन्द्र) का अध्यक्ष पुष्पकमल दाहाल प्रचण्डले उपसभामुख इन्दिरा रानालाई पदबाट हटाउने कुरा गलत रहेको बताएका छन्।
पार्टी केन्द्रीय कार्यालय पेरिस डाँडामा सञ्चारकर्मीहरूसँग कुरा गर्दै उनले सत्तारुढ दलहरूले उपसभामुखलाई हटाउने प्रयास गरिरहेको र अहिले हस्ताक्षर नै संकलन गरिरहेको आरोप लगाए।
“यो सरकार बनेदेखि नै गल्ती त गरिरहनुभएको छ,” दाहालले भने, “एउटा महिला, आदिवासी, जनजाति महिला, सामाजिक सेवा गर्ने, बालबच्चाको हेरचाह गर्ने, अन्तर्राष्ट्रिय स्तरको ख्यातिप्राप्त महिलालाई हटाउने कसरत गलत छ। यसको हामी विरोध गर्छौँ।”
अध्यक्ष दाहालका अनुसार, उपसभामुख रानाविरुद्ध कुनै नराम्रो काम गरेको प्रमाण छैन र उनीमाथि लगाइएको आरोप 'कपोकल्पित' मात्र हो। रानामाथि अमेरिका लैजाने प्रयोगका लागि भिसा जारी गर्न अमेरिकी दूतावासमा आफ्नो लेटरप्याडबाट सिफारिस गरेको अभियोग छ। यसअघि पनि रानालाई हटाउने तयारी भएको थियो, तर विरोधपछि यो प्रक्रिया रोकिएको थियो।
