स्वास्थ्य बिमा कार्यक्रम नआएको भन्दै चिन्ता

प्रकाशित मिति : २०७३ माघ १५ शनिबार
सोलुखुम्बु । सरकारले चालु आर्थिक वर्षमा सोलुखुम्बुमा पनि स्वास्थ्य बिमा कार्यक्रम सुरु गर्ने जनाएको भए पनि कार्यक्रमका सम्बन्धमा जिल्ला स्वास्थ्य कार्यालय सोलुखुम्बु अझै बेखबर रहेको छ । 
 
गत साउनको पहिलो हप्तानै चालु आर्थिक वर्षमा सोलुखुम्बुमा स्वास्थ्य बिमा कार्यक्रम सुरु गर्ने जानकारी आएको तर त्यसपछि कुनै पनि कार्यक्रम तथा परिपत्र प्राप्त नभएको जिल्ला स्वास्थ्य कार्यालय सोलुखुम्बुका सूचना अधिकारी पवनकुमार लामाले जानकारी दिए । 
 
स्वास्थ्य मन्त्रालयले अघिल्लो आर्थिक वर्ष नमुनाका रुपमा देशका तीन वटा जिल्लामा स्वास्थ्य बिमा कार्यक्रम सुरु गरेकोमा चालु आर्थिक वर्ष २२ वटा जिल्ला थप गरी २५ वटा जिल्लामा कार्यक्रम गर्ने जनाएको थियो । 
 
तर आर्थिक वर्ष सुरु भएको ६ महिना बितिसक्दा पनि जिल्लामा कार्यक्रम प्राप्त भएको छैन । 
 
स्थानीयवासीले सोध्ने गरेको भए पनि यस सम्बन्धी तालिम तथा कुनै किसिमको कार्यक्रम केन्द्रबाट प्राप्त नभएको सूचना अधिकारी लामाले बताए । 
 
स्वास्थ्य क्षेत्रमा निकै आशाबादी कार्यक्रम भएपनि घोषणा गरेको ६ महिनासम्म जिल्ला स्वास्थ्य कार्यालय नै बेखबर हुनु दुखद भएको जिल्लाबासी बताउँछन् । रासस 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ