काठमाडौँ । अखिल नेपाल किसान महासंघले नेपाली दुग्ध उत्पादक किसानहरूले विगत लामो समयदेखि दूध बिक्री वितरणका क्रममा गम्भीर समस्या व्यहोर्नु परिरहेको र पटक–पटक दुग्ध विकास संस्थान लगायतका निकायलाई दूधको मूल्य भूक्तानीका वारेमा ध्यानाकर्षण गराउँदासमेत सम्बोधन नभएको भन्दै किसानहरूले दुग्ध विकास संस्थानको कार्यालय, लैनचौरमा धर्ना दिएका छन् ।
त्यसक्रममा प्रहरी र किसानबीच धकेलाधकेल भएको थियो ।
दूधको मूल्य भुक्तानीका बारेमा दुग्ध विकास संस्थान लगायत सरोकारवाला निकायलाई पटक–पटक ध्यानाकर्षण गराउँदा पनि भुक्तानी नभएकाले डीडीसीको कार्यालयमा धर्ना दिनु परेको अखिल नेपाल किसान महासंघकी महासचिव सरिता भुसालले जानकारी दिइन् ।
पहिले बेचेको दूधको मूल्य माग गर्दै ध्यानाकर्षण गराउँदा प्रहरी लगाएर दमन गर्न खोजिएको भन्दै उनले आपत्तिसमेत जनाएकी छिन् ।
