सुटिङ बन्द गरेर फर्किए भंसाली, 'पद्मावती र अलाउद्दीनको कुनै सम्बन्ध छैन'

प्रकाशित मिति : २०७३ माघ १६ आइतबार
बेव तस्वीर
एजेन्सी । चलचित्र 'पद्मावती' मा ऐतिहासिक तथ्यलाई तोडमोड गरेको बिषय  निराधार भएको  निर्देशक संजय लीला भंसालीले बताएका छन् । भंसालीले जुन दृश्यलाई लिएर राजपूत करणी सेनाले आपत्ति  जनाएको छ सो दृश्य चलचित्रमा नरहेको जनाएका छन् । करणी सेनाले भंसालीलाई सत्यतथ्यलाई तोडमोड गरेको आरोप लगाएका छन् ।  चलचित्रमा पद्मावती र अलाउद्दीन खिलजीबीच प्रेम सम्बन्ध देखाइदैछ , भंसाली भन्छन्- बास्तवमा पद्मावतीले आफुलाई अलाउद्दीन खिलजीबाट बचाउन  हजारौ  अन्य महिलाहरुसँगै आगोमा ज्यान दिएकी थिइन् । 
 
विवाद माथि सफाई दिदै भंसालीले भने-'कसैको भावनामा चोट पुर्‍याउने मेरोआशय होइन । चलचित्रमा पद्मावती र अलाउद्दीन खिलजीबीच कुनै  प्रेम सम्बन्ध जस्ता दृश्य रहेका छैनन् ,फेरी कुन कुरालाई लिएर विवाद हुदैछ मैले यो बुझ्न सकेको छैन।'
रणवीर सिंह और दीपिका पादुकोण
उनले भने -'ऐतिहासिक घटनाहरु माथि चलचित्र बनाउनु भन्दा पहिले हामि  सबै तथ्यको बारम्बार अध्ययन गर्छौ , त्यसपछि अघिल्लो काम सुरु हुन्छ । हामि सबै धर्मको सामान आदर गर्छौ । कसैको भावना माथि चोट पुर्‍याएर चलचित्र बनाउने बिषयमा हामिले कहिले पनि सोचेका छैनौ ।' भंसालीले भने चलचित्र मध्यम परिवारका व्यक्तिहरु सम्म ऐतिहासिक घटनाको जानकारी होस भनेर  प्रयास गरिएको हुन्छ ।
 
राजस्थानको जयपुरमा चलचित्र 'पद्मावती' को सुटिङ क्रममा  निर्देशक संजय लीला भंसाली माथि कुटपिट भएपछि शनिबर देखि सुटिङ रद्द गरेका छन् । साथै उनले भविषयमा जयपुरमा कुनै प्रकारको चलचित्रको सुटिङ नगर्ने बताएका छन् । चलचित्रमा मुख्य भूमिका निभाउने  अभिनेता रणवीर सिंह र अभिनेत्री दीपिका पादुकोणले करणी सेनाको आरोपलाई मिथ्या भनेका छन् । 
 
समाचार एजेन्सी पीटीआईका अनुसार 'पद्मावती' को सेटमा  हमला गर्न करणी सेनाले रानी पद्मावतीलाई चलचित्रमा गलत तरीकाले देखाइएको भन्ने आरोप लगाएका छन् । जयपुरको नाहरगढ़ किल्लामा सुटिङको क्रममा राजपूत करणी सेनाका कार्यकर्ताले  तोडफोड गरेर भंसालीलाई थप्पड लगाएका थिए  ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ