जापानमा नेपालीका समस्या र समाधान बारे वृहत अन्तरक्रिया कार्यक्रम हुँदै

संगीता कुँवर प्रकाशित मिति : २०७३ माघ २१ शुक्रबार
टोकियो । प्रवासमा आईपर्ने समस्या,बढ्दो चुनौती र गर्नुपर्ने समाधानको बिषयमा टोकियोमा अन्तरक्रिया कार्यक्रम हुने भएको छ । बाँके बर्दिया मैत्री समाज जापानको आयोजना  नेपाली राजदुतावास जापान र गैर आवसीय नेपाली संघ ,जापानको बिशेष सहयोगमा बिभिन्न क्षेत्रका विषय वज्ञहरुको उपस्थितिमा फेब्रुवरी ५ तारिख आइतबार विशेष अन्तरक्रिया हुने भएको हो । 
 
विशेष गरी जापानमा बस्ने नेपाली संख्यात्मक रुपमा बढे पनि आत्महत्या, विद्यार्थीका समस्या, स्वास्थ्य समस्या र ब्यवसायीका समस्या बढिरहेकाले समस्या र समाधानबारे छलफल गर्न गर्न जापानमा रहेका विज्ञहरुसंग अन्तरक्रिया कार्यक्रम गर्न लागिएको बाँके बर्दिया मैत्री समाज जापानका अध्यक्ष जनक विक्रम शाहीले बताए । 
 
कार्यक्रममा प्रवासमा नेपालीहरुका समस्या, चुनौती र समाधान बिषयमा  विभिन्न विषयबस्तु भित्र रहेर विज्ञहरुको प्रस्तुति रहने छ । 
 
ओम गुरुङ, महेश श्रेष्ठ , अनुज थापा , विज्ञानकुमार थापा , डा होमबहादुर रिजाल , डा प्रकाश शाक्य , डा सन्दीप शाक्य , डाविजय ज्ञवाली , अनिता गुरुङ , प्रदिप थापा लगायतका प्रमुख बक्ताहरुको प्रस्तुति  हुनेछ । 
 
्रअन्तरक्रिया कार्यक्रममा जापानमा रहेका विभिन्न जिल्लाका समाजहरुको पनि सहकार्य रहेको छ ।  
 
कार्यक्रम टिकेपी कन्फेरेन्स सेन्टर सिन्जुकु टोकियोमा आईतबार १ बजेदेखि सुरु हुनेछ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ