स्टामफोर्ड ब्रिज । इङलिश प्रिमियर लिग फुटबलमा चेल्सीको अग्रता कायमै रहेको छ । चेल्सीले घरेलु मैदान स्टामफोर्ड ब्रिजमा अर्को उपाधिको दावेदार आर्सनलमाथि ३–१ को शानदार जित हासिल गर्दै चेल्सीले उपाधिका लागि मुख्य दावेदारी पेश गरेको हो ।
चेल्सीका लागि मार्कस अलन्सो, एडन हजार्ड र सेस फाब्रिगासले एक एक गोल गरे । आर्सनलले अन्तिम समयमा ओलिभियर जिरुमार्फत सान्त्वना गोल फर्काएको थियो ।
जितसंगै २४ खेलबाट ५९ अंकको चेल्सीले शीर्ष स्थानलाई अझ फराकिलो बनाउँदा आर्सनल भने ४७ अंकका साथ खुम्चिएको छ ।
यो हारले आर्सनलको उपाधि दावेदारीसमेत कमजोर हुँदै गएको छ ।
