गाबोन। यस वर्षको अफ्रिका कप अफ नेसन्स फुटबल प्रतियोगिताको उपाधि क्यामरुनले जितेको छ । गाबोनमा आइतबार राति सम्पन्न प्रतियोगिताको फाइनलमा ईजिप्टलाई २–१ ले हराउँदै क्यामरुनले पाँचौ पटक अफ्रिका कपको उपाधि जितेको हो ।
खेलमा अग्रता भने ईजिप्टले लियो । २२ औं मिनेटमा मोहम्मद एल्नेनीले ईजिप्टलाई अग्रता दिलाए ।
मध्यान्तरसम्म १–० ले पछि परेको क्यामरुनले मध्यान्तरपछि भने लगातार दुई गोल गर्यो । ५९ औं मिनेटमा निकोलस एन्कुलु र ८८ औं मिनेटमा भिन्सेन्ट अबुबकारले गोल गर्दै क्यामरुनलाई उपाधि दिलाए ।
योसंगै क्यामरुनले पाँचौं पटक अफ्रिकन कप अफ नेसन्सको उपाधि जित्दा ईजिप्ट भने आठौं उपाधि नजिक पुगेर स्तव्ध भएको छ ।
फाइनल ईजिप्टको गाबोनमा भए पनि छिमेकी राष्ट्रका पाँच लाख क्यामरुनी शरणार्थी इजिप्टमै भएको अनुमान गरिएकाले पनि फाइनलका फ्यान बढी क्यामरुनकै भएको विश्वास गरिएको छ ।
