मोनाको । सन् २०१५ को नोभेम्वरमा डोपिङ प्रकरणमा दोषी पाइएको रुसले यस वर्षको विश्व एथ्लेटिक्स च्याम्पियनसिपमा पनि भाग लिन नपाउने भएको छ ।
गत वर्ष रियो ओलम्पिक्ससमेत खेल्न नपाएको रुसी टिमलाई यसपटक पनि एथ्लेटिक्सको विश्व संगठन आईएएएफले प्रतिवन्ध लगाएको हो ।
फ्रान्सको मोनाकोमा भएको आईएएएफको बैठकमा सो निर्णय भएसंगै रुसलाई फेरि झड्का लागेको हो ।
विश्व एथलेटिक्स च्याम्पियनसिप यही अगष्ट ४ देखि १३ तारिखसम्म इङल्याण्डको लण्डनमा हुँदैछ ।
केही रुसी खेलाडीले डोपिङ परीक्षणको मापदण्ड पूरा गरेमा तटस्थ खेलाडीको हैसियतमा लण्डन आउन पाउने पनि एथ्लेटिक्समा भाग लिन पाउने आईएएएफले जनाएको छ ।
सन् २०११ देखि २०१५ सम्म एक हजारबढी खेलाडीले रुसले गराएको डोपिङ परीक्षणमा भाग लिएको जनाइएको छ । रुसमा राज्यले नै उत्तेजक औषधि खेलाडीलाई उपलब्ध गराउँदै आएको बताइन्छ ।
