हेटौंडा अस्पतालमा अनुगमनः चिकित्सक अनुपस्थित, ३ बजेपछि ओपीडी बन्द

मध्यान्हमै टिकट दिन रोकिने

प्रकाशित मिति : २०७३ माघ २६ बुधबार
हेटौडा । मकवानपुरको हेटौंडा अस्पतालमा चिकित्सकहरु नै उपस्थित नभएको पाइएको छ । मकवानपुर सीडिओ नारायण शर्मा दुवाडीको नेतृत्वमा मंगलबार अस्पताल अनुगमनमा गएको टोलीले दिउँसो दिन बजे नै आपीडी सेवा बन्द गर्ने गरिएको पत्तो लगाएको हो । 
 
१६ जना चिकित्सकको माग भए पनि ९ जनाको मात्र दरबन्दी रहेको अस्पतालमा केवल चार जनामात्र उपस्थित भएको पनि सीडीओ दुवाडीले जानकारी दिएका छन् । 
 
सो १५० शैयाको अस्पतालमा स्वास्थ्य मन्त्रालयमा साँझ ५ बजेसम्म चिकित्सक अनिवार्य उपस्थित हुनुपर्ने पत्र गइसकेको भए पनि ३ बजेसम्ममात्र ओपीडी चलाउने गरिएको अस्पताल प्रमुख शर्वेष शर्माले स्वीकार गरेका छन् । 
 
अर्को अचम्म त के भने चिकित्सकको अभाव देखाउँदै मध्यान्ह १२ बजेसम्ममात्र बिरामीको उपचारका लागि टिकट काटिन्छ । 
 
हेटौडा अस्पतालसंगै जोडिएको जिल्ला जनस्वास्थ्यमा पनि अधिकांश अनुपस्थित थिए । फिल्डमा गएको भन्दै उनीहरुको हाजिरी देखाउन भने प्रशासनले नमानेको अनुगमनमा संलग्न एक जनाले जनाएका छन् । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ