जापानमा बस्ने नेपाली कष्ट सहँदै, पीडा पोख्न कार्यक्रम

प्रकाशित मिति : २०७३ माघ २६ बुधबार

टोक्यो । जापानमा बस्ने नेपाली अझै गर्वसाथ बस्न नपाएको एक कार्यक्रमका सहभागिले बताएका छन् । बाँके–बर्दिया मैत्री समाज जापानले गरेको कार्यक्रममा एनआरएनए जापानका सल्लाहाकार जिज्ञानकुमार थापाले नेपालीहरु अझै पनि जापानी समुदायसँग नजिक बन्न नसकेको र जापानी समुदायमा भिज्न नसकिएको बताए ।

यस्तै, अन्य सहभागिले पनि नेपालीहरुले ससम्मान काम गर्ने वातावरण अझै बन्न नसकेको र हेपिएको महसुस पटक–पटक गरिरहेको बताएका छन् । जापानी समुदायसँग घुलमिल हुन सके व्यापार, पर्यटन र हरेक क्षेत्रमा सहयोग  र नेपालीलाई हेर्ने दृष्टिकोण समेत सुधार हुने सहभागिले बताए ।  

जापानमा संख्यात्मक हिसावले संघसंस्थाहरु धेरै भएपनि नेपालीका समस्या कम हुन नसकेको उनीहरुको भनाई छ । कार्यक्रममा दुर्गा खत्रीले पिद्यार्थीका समस्या अझ जटिल रहेकाले आत्महत्याका घटना पनि घटिरहेको बताउँदै संघ संस्थाले अभियान चलाउन आवश्यक रहेको उल्लेख गरे ।

दिक्दारीले आत्महत्याका घटना बढेको बताइन्छ । आत्महत्या रोकथामका लागि लामो समय क्रियाशील अभियान्ता डा. विजय ज्ञवालीले आत्महत्याका घटना झन् विकराल बन्दै गएकाले साना बच्चा देखिनै समस्यासँग जुध्न सक्ने क्षमताको विकास गर्न आवश्यक रहेको बताए ।

एनआरएनए पुर्व अध्यक्ष एवम आइसीसीले सदस्य ओम गुरुङले एनआरएनए दुतावास र संघसंस्था बीचको सम्बन्ध पनि सुमधुर हुनुपर्ने बताए । महिला समस्याका बारेमा बोल्दै अनिता गुरुङले जापान जस्तो विकसित मुलुकमा बसे पनि नेपाली महिला हिंसा र पीडा भोग्न बाध्य रहेको पीडा पोखिन् ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ