दुबईमा ३५ औं मगर दिवस मनाइने

प्रकाशित मिति : २०७३ माघ २९ शनिबार
युएई । यहि आउने २४ फेब्रुअरी २०१७ का दिन दुबईको ईम्पिरियल सुईट होटलमा विगतमा जस्तै यसपालि पनि ३५ औं मगर दिवस भव्य रुपमा मनाईने भएको छ । प्रथम शहीद लखन थापा मगरको १४० औं स्मृति तथा विविध सांगीतिक माहौलमा नेपाल मगर संघ शाखा युएईको आयोजनामा मनाउन लागिएको हो । 
 
प्रवासको भूमिमा पनि सम्पूर्ण मगरहरुलाई ऐक्यबद्धता गर्दै नेपालीहरुले मगरहरुको कला, संस्कृति, मौलिक भाषा र भेषभुसाहरुको जर्गेना गर्दै आएका छन् । दैनिक आ–आफ्नो कामका बावजुद पनि परिआउने समस्याहरुको समाधान गर्दै लगभग ५० हजार मगरहरुको सहभागीता हुँदै आएको नेपाल मगर संघ शाखा युएईले यस्ता गतिविधिमा समेत आफ्नो सक्रियता बढाउँदै आएको छ ।
 
उनीहरुले स्थापनाकालदेखि नै अन्य संघ संस्थाहरुसँग सहकार्यसँगै मगरहरुको उत्थानमा विभिन्न कार्यक्रमहरुसमेत गर्दै आएका छन् । गत महिना मात्र माघे संक्रान्तिको अवसरमा भव्य कार्यक्रम गरी उनीहरुले संक्रान्ति पर्व मनाएका थिए भने आउने २४ फेब्रुअरीका दिन फेरि दुबईलाई नै मगरहरुले संगीतमय बनाउँदैछन् ।  
 
सो अवसरमा नेपालबाट आउने अतिथि नेपाल मगर संघका अध्यक्ष नविन रोका मगरको बिशेष उपस्थिति र अतिथि कलाकार मोडल तथा नृत्यगना आरुषी मगरका साथ स्थानीय ख्यातिप्राप्त कलाकारहरुको वेजोड प्रस्तुति रहने आयोजकले जनाएका छन् । 
 
उक्त कार्यक्रममा बिशेषगरी मगरहरुको संस्कृति झल्कने खालका प्रस्तुतिहरुका साथै मौलिक भेषभुसामा सजिएको देख्न पाईने छ । युएईस्थित कार्यरत सम्पूर्ण दाजुभाइ तथा दिदीबहिनीहरुलाई यसै समाचारको आधारमा महासचिव एच.बी. मगरले उपस्थितिका लागि निमन्त्रणा समेत गरेका छन् ।  
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ