टर्फ मुर । इङलिश प्रिमियर लिग फुटबलमा चेल्सी बराबरीमै रोकिएको छ । आइतबार राति भएको खेलमा शीर्ष स्थानको चेल्सी बर्नलेसंग १–१ गोलको बराबरीमा रोकिएको हो ।
खेलको सात मिनेटमै पेड्रो रोड्रिग्वेजले गोल गर्दै चेल्सीलाई प्रारम्भिक अग्रता दिलाए । तर २४ मिनेटमै रोबर्ट ब्राडीले गोल गर्दै हल सिटीलाई बराबरीमा ल्याए ।
यो बराबरीसंगै चेल्सीले २५ औं चरणको खेलसम्म ६० अंकसहित दोस्रो स्थानको टोटनह्याम हट्सपरभन्दा १० अंकको अग्रता बनाएको छ ।
त्यस्तै आर्सनल पनि ५० अंकसहित तेस्रो स्थानमा छ । लिभरपुल ४९ अंकसहित चौथो स्थानमा छ । तर एक खेल कम खेलेको म्यानचेष्टर सिटीको ४९ अंक नै छ ।
बर्नमाउथलाई हराउन सके म्यानचेष्टर सिटी दोस्रो स्थानमा पुग्दै चेल्सीसंगको अंक दूरी ८ मा झार्नेछ ।
