मुगु । मुगु जिल्ला राष्ट्रिय सडक सन्जालमा जोडिएको १३ बर्ष बितिसकेपछि मात्र ताल्चा-गमगढी सडक कालोपत्रे गर्नकालागि कर्णाली प्रदेश सरकार बाट १६ करोड बजेट सुनिश्चित गरेको छ ।
कर्णाली प्रदेश सरकारले कालोपत्रे आयोजनासहित प्रदेशका विभिन्न जिल्लाका योजनालाई बहुवर्षीय ठेक्कामा लैजाने प्रक्रिया अनुसार आर्थिक बर्ष २०८२/०८३ को कर्णाली प्रदेश भौतिक पूर्वधार तथा शहरी विकास मन्त्रालयबाट विनियोजित बहुबर्षीया योजनाअन्तर्गत प्राप्त स्रोत सहमतिका आधारमा मुगुको ताल्चादेखि गमगढीसम्मका सडक कालोपत्रे गर्ने बहुबर्षीय ठेक्काको लागि बजेटको स्रोत सुनिश्चित गरीएको छ ।
मन्त्रालयको फागुन ५ गते गरेको निर्णय अनुुसार बहुबर्षीय ठेक्का सहमति निर्देशिका ०७९ अनुसार आवश्यक प्रक्रिया अगाडि बढेको हो ।
ताल्चा गमगमढीसम्मको नौ किलोमिटर सडक कालोपत्रे गर्नका लागि १५ करोड ९९ लाख ३८ हजार रुपैयाँ छ ।
मुगुका प्रदेश सांसद तथा पूर्वमन्त्री जितबहादुर मल्ल पहलपछि विभिन्न प्रक्रिया पूरा भई बजेट सुनिश्चित भएको हो ।
ताल्चा गमगमढी कालोपत्रे बजेट सुनिश्चित संगही कर्णली प्रदेशमा रहेको लिखवाङ जिपसिंङ्ग झोपु रुकुम, कमरेखोला झोपु डोल्पा, पानीगैरी झोपु निमार्ण रुकुम पश्चिम, धारीखोला मोटरेवल पुल निमार्ण रुकुम पश्चिमका आयोजनाहरूको पनि बजेट स्रोत सुनिचित भएको कर्णाली प्रदेश सरकारका सदस्य जितबहादुर मल्लले बताएका छन् ।
मुगु जिल्ला राष्ट्रिय सडक सन्जाल जोडिएको १३ बर्ष वितिसक्दा पनि धुँवाधुलो र हिलोले यात्रुले हैरानी व्यहोर्दै आइरहेका छन् । अब सडक कालोपत्रे हुने भएपनि गुणस्तर र मापदण्ड अनुसार हुनुपर्ने उद्योग वाणिज्य संघ मुगुका अध्यक्ष कमलबहादुर बुढाले बताए ।
