-
-
-
-
काठमाडौँ । प्रतिनिधिसभा निर्वाचनको मतगणनामा रुकुम पश्चिममा प्रगतिशील लोकतान्त्रिक पार्टीका जनार्दन शर्मा पछाडि परेका छन् ।
जनार्दनलाई उछिन्दै नेपाली कम्युनिष्ट पार्टीका गोपाल शर्माले अग्रता कायम गरेका छन् ।
मुख्य निर्वाचन अधिकृतको कार्यालयले सार्वजनिक गरेको पछिल्लो परिणामअनुसार नेकपाका शर्माले ७२ सय ७२ मत प्राप्त गरेका छन् ।
उनको प्रतिस्पर्धी प्रलोपाका जनार्दन शर्माले ५१ सय ६० मत प्राप्त गरेका छन् ।
यहाँ नेपाली कांग्रेसका राजु केसीले ४८ सय ४२ मत प्राप्त गर्दा रास्वपाका मानबहादुर शाहीले १२सय ५१ मत प्राप्त गरेका छन् ।
यस्तै नेकपा एमालेका नन्दराम देवकोटालाई ६२१ मत परेको छ । उम्मेदवारी दर्तापछि यहाँ एमाले र प्रलोपाले समीकरण गरेका थिए ।
कुल एक लाख छ हजार ६६० मतदाता रहेको रुकुम पश्चिममा ६२ हजार ९६८ मत खसेको छ ।
