नोउ क्याम्प । स्पेनिश फुटबल क्लव बार्सिलोनाका प्रशिक्षक लुइस एन्रिकले बार्सिलोना छाड्ने भएका छन् । स्पेनिश लिग ला लिगाको शीर्ष स्थानमा पुगकै दिन एन्रिकको बार्सिलोना छाड्ने निर्णय सार्वजनिक भएको हो ।
जारी सिजनको समाप्तिसंगै एन्रिकले बार्सिलोना छाड्ने निर्णय गरेका हुन् । यो सिजनमा बार्सिलोना निकै उतारचढावबीच अगाडि बढिरहेकाले एन्रिकमाथि दबाब बढेको छ । त्यही दबाब खप्न नसकी उनले बार्सिलोना छाड्ने निर्णय गरेका हुन् ।
तर उनले बार्सिलोना छाड्ने कारण भने आफूलाई आरामको जरुरत भएको बताएका छन् ।
४१ वर्षीय एन्रिक बार्सिलोना छिरेपछि बार्सिलोनाको शाख घट्दै गएको अरुको ठहर छ । तर उनले बार्सिलोनालाई दुई स्पेनिश ला लिगा उपाधि, दुई कोपा देल रे तथा एक स्पेनिश सुपर कप, च्याम्पियन्स लिग, युएफा सुपर कप र फिफा वल्ड क्लव कप जिताएका छन् ।
