एन्टिगुवा । वेष्ट इन्डिजविरुद्धको पहिलो एक दिवसीय क्रिकेटमा इङल्याण्ड विजयी भएको छ । वेष्ट इन्डिजको एन्टिगुवामा शनिबार बिहान सम्पन्न खेलमा इङल्याण्ड ४५ रनले विजयी भएको हो ।
पहिले ब्याटिङ गरेको इङल्याण्डले ६ विकेटको क्षतिमा २९६ रन बनायो । कप्तान इयोग मोर्गानले ११६ बलमा १०७ रन बनाए । बेन स्टोक्स र साम बिलिंसले क्रमशः ५५ र ५२ रन जोडे ।
जवाफमा वेष्ट इन्डिजले ४७.२ ओभरमा २५१ रनमात्र बनाउन सक्यो । जासन मोहम्मदले सर्वाधिक ७२ रन जोडे ।
लियाम प्लंकेट र क्रिस वोक्सले ४–४ विकेट लिए ।
यो विजयसंगै इङल्याण्डले चार खेलको श्रृंखलामा १–० को अग्रता बनाएको छ ।
