हङकङमा इलाम समाजका तीन कृति लोकार्पण

प्रकाशित मिति : २०७३ फाल्गुण २४ मंगलबार
काठमाडौं । इलाम समाज हङकङको संयोजनमा प्रकाशित तीन कृतिको हङकङमा लोकार्पण गरिएको छ । समाजद्वारा प्रकाशित स्मारिका-मुखपत्र ‘इलाम’, लेखक तथा पत्रकार सचित राईद्वारा लिखित खोजमूलक कृति ‘माङखिम’ र स्व. डिल्लीराम बाङदेलद्वारा लिखित काव्य कृति ‘म फूल हुँ’को लोकार्पण गरिएको हो । 
 
संस्थाकी उपाध्यक्ष दीपा एवाई राईका अनुसार हङकङको जोडनस्थित ‘नयाँ पेज’को कार्यालयमा समाजको पाँचौं अधिवेशन तथा पुस्तकलोकार्पण कार्यक्रम आयोजना गरिएको थियो ।समाजका सल्लाहकार शरण सुब्बाले ‘इलाम’,साब्लाबुङ’पत्रिकाका प्रकाशक-सम्पादक एवं नेपाली लेखक संघका वैदेशिक उपाध्यक्ष राजकुमार राईले ‘माङखिम’माथि समीक्षा गरेका थिए ।
 
कार्यक्रममा फियोना हङकङका अध्यक्षहीरामान राई, क्रिटिक्स सोसाइटी हङकङका संयोजक हेमकुमार लावती, किरात राई यायोक्खाका कुलपति शशीमदन राई,झापा मञ्च हङकङका अध्यक्ष छत्र सुब्बा, ‘माङखिम’ प्रकाशक प्रताप कोयू राईलगायतको उपस्थिति थियो ।
 
समाजको अधिवेशनलेबसन्त राई (विपिन)कै अध्यक्षतामा १३ सदस्यीय नयाँ नेतृत्व चयन गरेको छ । उपाध्यक्षमा पनि दीपा एवाई नै चयन भएकी छन् । त्यस्तै, सचिवमा सुरेश वनेम, सहसचिव राजेन्द्र राई, कोषाध्यक्ष प्रकाश मुखिया, सहकोषाध्यक्ष विनोद राई अनि सदस्यहरूमा सविता राई, तारा राई, योगिता गुरुङ, शरण सुब्बालगायत चयन भएको समाजले जनाएको छ ।सन् २००१ मा स्थापित यस संस्थाले हङकङमा रहेका इलामेलाई एकीकृत गर्दै गृहजिल्लाका सामाजिक-सांस्कृतिक गतिविधिमा साथ दिँदै आएको छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ