एन्फिल्ड । लिभरपुल इङलिश प्रिमियर लिग फुटबलको चौथो स्थानमा कायमै रहेको छ । आइतबार राति घरेलु मैदान एन्फिल्डमा बर्नलीमाथि २–१ को जित निकाल्दै लिभरपुलले म्यानचेष्टर सिटीलाई टक्कर दिएको हो ।
खेलको ७ मिनेटमै एस्ले बार्नेसले गोल गर्दै बर्नलीलाई अग्रता दिलाए पनि जर्जिनियो विज्नाल्डमले ४५ तथा एमे्र कानले ६१ मिनेटमा गोल गर्दै लिभरपुललाई जिताए ।
जितसंगै लिभरपुल २८ खेलबाट ५५ अंकसहित चौथो स्थानमा छ ।
एक खेल कम खेलेका चेल्सी, टोटनह्याम र म्यानचेष्टर सिटी क्रमशः ६६, ५६ र ५६ अंकसहित पहिलो, दोस्रो र तेस्रो स्थानमा छन् ।
