काठमाडौँ । विश्व कविता दिवस नेपालमा पनि कविता वाचन लगायतका कार्यक्रम गरी मनाइँदैछ । उक्त अवसरमा नेपाल प्रज्ञा–प्रतिष्ठानको पद्य विभागले विशेष कवि गोष्ठी आयोजना गरी दिवस मनाउने प्राज्ञ अमर गिरीले जानकारी दिएका छन् ।
सन् १९९९ मा संयुक्त राष्ट्रसङ्घको शैक्षिक तथा सांस्कृतिक सङ्गठन युनेस्कोले मार्च २१ तारिखलाई विश्व कविता दिवसका रुपमा मनाउने घोषणा गरेको थियो ।
नेपालमा भने सन् २००२ देखि कविता दिवस मनाउन थालिएको हो । रासस
