सिग्नल इदुना पार्क । अन्तर्राष्ट्रिय मैत्रिपूर्ण फुटबलमा जर्मनीले इङल्याण्डमाथि १–० को जित हासिल गरेको छ । बुधबार राति जर्मनीको सिग्नल इदुना पार्कमा भएको खेलमा जर्मनीका लागि लुकास पोडोलोस्कीले निर्णायक गोल गरे ।
खेलको ६९ औं मिनेटमा लुकास पोडोलोस्कीले ३० यार्डबाट प्रहार गरेको बल गोलमा परिणत भएको थियो । इङलिश प्रिमियर क्लव आर्सनलका पूर्व खेलाडी पोडोलोस्कीले आफ्नो अन्तिम अन्तर्राष्ट्रिय खेलमा शानदार नायकी प्रदर्शन गरेका हुन् । अब पोडोलोस्की अन्तर्राष्ट्रिय खेलमा देखिने छैनन् ।
को हुन् पोडोलोस्की ?
पोल्याण्डको गिल्वाइसमा जन्मिएका पोडोलोस्की जर्मनीका लागि एडप्टेड हुन् । उनी दुई वर्षको उमेरमै जर्मनी आइपुगेका थिए । ३१ वर्षीय पोडोलोस्कीले जर्मनीका लागि १ सय ३० अन्तर्राष्ट्रिय खेल खेले ४८ गोल गरे । उनी जर्मनीले सन् २०१४ को विश्वकप जित्दाका टोलीका प्रमुख खेलाडी पनि हुन् ।
विश्वकप छनोटभन्दा अगाडि खेलिएको यो खेल इङ्लिश प्रशिक्षक ग्यारेथ साउथगेटको पहिलो अन्तर्राष्ट्रिय खेल हो ।
