काठमाडौं । विश्वकप छनोट फुटबलको युरोपेली क्षेत्र अन्तर्गत समूह बी को खेलमा पोर्चुगल र स्वीटजरल्याण्ड विजयी भएका छन् । पोर्चुगलले आकर्षक प्रदर्शन गर्ने क्रममा कप्तान क्रिष्टियानो रोनाल्डोले दुई गोल गरे ।
त्यस्तै आन्द्रे सिल्भाले एक गोल गरे । घरेलु मैदान स्टाडियो दा लुजमा खेलेको पोर्चुगलले खेलमा कुनै पनि कमजोरी देखाएन ।
अर्को खेलमा स्वीटजरल्याण्डले लात्भियालाई १–० ले हरायो । घरेलु मैदान स्टेड डे जेनेभामा भएको खलमा ६६ औं मिनेटमा जोसिप रामिकले निर्णायक गोल गरे ।
यो समूहको अर्को खेलमा एन्डोरा र फारोइ आइल्याण्डले गोलरहित बराबरी खेले ।
पाँचौं चरणको समाप्तिसंगै एकमात्र अपराजित एवं विजयी टिम स्वीटजरल्याण्डको १५ अंक छ ।
१२ अंकको पोर्चुगल दोस्रो स्थानमा छ भने हंगेरी ७, फारोइ ५, लात्भिया १ तथा एन्डोरा १ अंकमा छ । ६ मध्ये दुई टिममात्र अर्को चरणमा जान सक्नेछन् ।
