नेक्सस कप अन्डर-१६ मा आयोजक एनसीए क्लब विजयी

प्रकाशित मिति : २०७३ चैत २६ शनिबार

काठमाडौ । नेक्सस कप अन्डर १६ क्रिकेट प्रतियोगिता अन्तरग शनिबार ६ वटा खेलहरु भए । काठमाडौको बुढानीलकण्ठ स्कुल स्थित मैदानमा भएका खेलहरुमा नेक्सस क्रिकेट एकेडेमी, केसीटीसी, नेपाल पुलिस, जीएचसीए ‘बी’, बालुवाटार क्रिकेट क्लब र जीएचसीए ‘ए’ विजयी भए ।

शनिबार भएका खेलहरुमा पहिलो खेलमा काठमाडौको नेक्सस क्रिकेट क्लब एनसीएले काठमाडौकै एभरेस्ट क्लबलाई ५ विकेटले पराजित ग¥यो । यसअघि  टस जितेर फिल्डिङ रोजेको एनसीएले एभरेस्टलाई ७ विकेटको क्षतिमा मात्र ८९ रनमा समेट्यो । एनसीएकालागि जिशेष मानन्धर र आदित्य सुवेदीले २–२ विकेट लिए भने आविष्कार जोशी र सविन श्रेष्ठले एक एक विकेट लिए ।

९० रनको लक्ष्य लिएर मैदानमा उत्रिएको एनसीले १६ दशमल ३ ओभरमा लक्ष्य पुरा ग¥यो । एनसीएका लागि मनिष शर्माले सर्वाधिक अविजित २७ रन बनाए भने अदित सुवेदीले अविजित १९ रन बनाए ।

अन्य खेलमा काठमाडौको केसीटिसीले एनसीएस नुवाकोटलाई ३१ रनले पराजित ग¥यो भने काठमाडौको बालुवाटार क्रिकेट क्लबले काठमाडौको हिमालयन क्रिकेट क्लबलाई १० विकेटले पराजित ग¥यो । त्यसैगरि जीएचसीए ‘ए’ ले एनसीएस लाई ८ विकेटले पराजित ग¥यो भने जीएचसीए ‘बी’ ले स्पोर्टस साइन्स एकेडी ‘सान’ ब्लु लाई ५ विकेटले पराजित ग¥यो । त्यस्तै नेपाल पुलिस क्लबले ‘सान’ ग्रीनलाई पराजित ग¥यो ।

बुढानीकण्ठ स्कुलकै दुई मैदानहरुमा भएको युवा खेलाडीहरुको खेल हेर्न क्यानका पूर्व अध्यक्ष विनयराज पाण्डे पनि पुगेका  थिए ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ