चुनाव लाग्यो, शुरू भए मोटरसाइकल र्‍याली

प्रकाशित मिति : २०७३ चैत २७ आइतबार

काठमाडौं । स्थानीय निर्वाचनको दिन नजिकिँदै जाँदा राजधानी बाहिरजस्तै राजधानीमा समेत विविध प्रचारमूलक कार्यक्रमको सुरवात भएको छ । विशेषगरी काठमाडौं उपत्यकामा पछिल्लो समय विभिन्न राजनीतिक दलले आफ्नो प्रचारमूलक कार्यक्रमहरु सुरु गरेका छन् ।

यसैबीच नेपाली काँग्रेसले नागार्जुन नगरपालिकाले प्रचारमूलक रुपमा सोमबार मोटरसाईकल र्यालीको आयोजना गरेको छ । आईतबार विहान स्वयम्भूको बुद्धपार्कदेखी चिसापानीहुँदै नगरपरिक्रमा गरेर फेरि बुद्धपार्क नै आएको मोटरसाईकल र्याली त्यसपछि गएर नागार्जुन नगरपालिका वडा नं २ र वडा नं ३ मा पार्टीको इकाई कार्यालय उद्घाटन गर्न पुगेको थियो ।  

नगर सभापति केदार मानन्धर, वडा नं ७, ८ र ९ का निवर्तमान सभापतिहरु धर्मराज अर्याल, मोहन बस्नेत र धर्म गौतम समेतको उपस्थितीमा भएको सो मोटरसाइकल र्याली तथा कार्यालय उद्घाटन कार्यक्रमका प्रमुख अतिथि भने काठमाडौं जिल्ला निर्वाचन क्षेत्र नं ७ का क्षेत्रीय सभापति मुकुन्द रिजाल थिए ।  

प्रमुख अतिथी रिजालले यस्ता कार्यक्रमहरु पार्टीको पक्षमा जनलहर सिर्जना गर्नको लागि आवश्यक रहेको जानकारी दिए । उनले निर्वाचनको पक्षमा माहोल सिर्जना गर्दै प्रचारप्रसारमा सबैलाई सक्रिय बनाउन सबै तिर यस्ता कार्यक्रमहरु आवश्यक रहेको पनि रिजालले प्रतिक्रिया दिए ।

 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ