-
-
-
-
धनगढी । धनगढीमा चलिरहेको सगरमाथा सिमेन्ट धनगढी प्रिमियर लिग डीपीएल क्रिकेटमा अहिले विराटनगर किंगस र धनगढी टिम चौराहा भिडिरहेका छन् ।
विराटनगरको नेतृत्व शरद भेषवाकरले गरिरहेका छन् भने धनगढीको कप्तानी राष्ट्रिय टिमका कप्तान पारस खड्काले गरिरहेका छन् ।
खेलमा टस जितेर धनगढीले पहिले फिल्डिङ गरिरहेको छ । दुवै टिमले जारी डीपीएलमा पहिलो खेल खेलिरहेका छन् ।
गत फागुनमा पेटको अप्रेशन गरेका पारसले केन्याविरुद्धको वल्ड क्रिकेट लिग खेल्न सकेका थिएनन् । त्यस्तै इमर्जिङ कप्स एसियन क्रिकेट खेल्न पनि बंगलादेश जान सकेका थिएनन् ।
यही डीपीएलबाटै उनले पुनरागमन गरेका छन् ।
दोस्रो खेलमा दिउँसो १ बजे काठमाडौं गोल्डेन्स र कंचनपुर आइकोनिक भिड्ने छन् ।
पहिलो खेलमा दुवै टिम पराजित भएका थिए ।
