स्वास्थ्यमन्त्री थापाको अर्को फड्को, स्वास्थ्य बीमा सम्बन्धी विधेयक पारित

प्रकाशित मिति : २०७३ चैत २९ मंगलबार

काठमाडौं । स्वास्थ्य मन्त्रालयले बनाएको स्वास्थ्य बीमा गर्ने सम्बन्धी विधेयक मन्त्रिपरिषद्बाट पारित भएको छ । स्वास्थ्यमन्त्री गगन थापाले आफुहरुले उच्च प्राथमिकताका साथ निरन्तर गृहकार्य गरिरहेको स्वास्थ्य बीमा सम्बन्धी विधेयक पारित भएको जानकारी दिएका हुन् ।

विधेयक संसदमा संसदमा पेश भइ पारित भएपछि बीमा सम्बन्धी छुट्टै ऐन बन्ने छ । ऐन बनेपछि सकारले सुरु गरेको स्वास्थ्य बीमा कार्यक्रम अझ तीब्र रुपमा अघि बढ्ने बताइएको छ । सामाजिक स्वास्थ्य सुरक्षा विकास समितिका कार्यकारी निर्देशक गुणराज लोहनीका अनुसार सरकारले पोहोर चैत २५ देखि सुरु गरेको बीमा कार्यक्रममा आठ जिल्लाका ४५ हजार दुई सय ७७ जनाको स्वास्थ्य बीमा भइसकेको छ । प्रतिशतका आधारले २ प्रतिशत मात्र हुन आउने भएपनि यसलाई महत्वपूर्ण उपलब्धि मान्नु पर्ने उनको भनाई छ ।

आठ जिल्लामा लागू भइसकेको कार्यक्रम आगामी असारसम्म थप १७ जिल्लामा सुरु गरिने भएको छ । बीमाको ऐन बनेपछि कार्यान्वयन तह बलियो हुने बताइएको छ । हाल बाग्लुङ्ग, इलाम, बैतडी, अछाम, पाल्पा, म्याग्दी, कास्की र केलाली गरी मुलुकको आठ जिल्लामा यो बीमा कार्यक्रम संञ्चालित छ ।

आगामी असार देखि झापा, तनहु, गोर्खा, भक्तपुर, चितवन, जुम्ला, जाजरकोट, महोत्तरी, रोल्पा, मकवानपुर, सोलुखुम्वु, सुर्खेत, बर्दिया पर्सा, सिन्धुली सुनसरी र रौतहट जिल्लामा बीमा कार्यक्रम अगामी असारसम्ममा बिस्तार गर्ने सरकारको तयारी छ ।

एकवर्ष भित्र न्यूनतमरुपमा प्राथमिक स्वास्थ्य केन्द्रहरुमा चिकित्सकको उपलब्धता, ओजार, उपकरण, फार्मेसी आदीको व्यवस्थापनमा केही प्रगति भएको र गरिब घर परिवार पहिचान कार्यक्रमबाट परिचय पत्र उपलब्ध नहुँदा आर्थिक हिसाबले पहुँच कम भएको बर्गलाइ समेट्न नसकिएको बताइएको छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ