आइपीएलमा दिल्लीले पुनेलाई हरायो, धोनी फ्लप

प्रकाशित मिति : २०७३ चैत ३० बुधबार

पुने । भारतमा चलिरहेको आइपीएल क्रिकेटको नवौं खेलमा दिल्ली डेयर डेभिल्स विजयी भएको छ । दिल्लीले राइजिङ पुने सुपर जाइन्टलाई ९७ रनले हरायो ।

पुनेमै भएको खेलमा पहिले ब्याटिङ गरेको दिल्लीले सन्जु साम्सनको सतकको मद्धतले ४ विकेटको नोक्सानीमा २०५ रन बनायो ।

साम्सनले ६३ बलमा १०२ रन बनाए । क्रिस मोरिसले ९ बलमा नटआउट ३८ रन बनाए । जवाफमा पुनेले १६.१ ओभरमा अलआउट हुँदै १०८ रन बनायो ।

मायांक अग्रवालले सबैभन्दा बढी २० रन बनाएको इनिङलाई ध्वस्तै पार्ने क्रममा अमित मिश्रा र कप्तान जहिर खानले ३–३ विकेट लिए । 

पुनेका खेलाडी तथा पूर्व कप्तान तथा भारतका पूर्व कप्तान महेन्द्र सिंह धोनी भने यो संस्करणमा पूरै फ्लप देखिएका छन् । धोनीले यो खेलमा १४ बलमा ११ रन जोडे ।

पहिलो खेलमा झनै खराव खेलेका थिए । 


आइपीएलमा बुधबार मुम्बई इन्डियन्स र सनराइजर्स हैदराबाद राति ८ः१५ बजे भिडने छन् । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ