डीपीएल क्रिकेटः रुपन्देही र विराटनगर मैदानमा, विराटनगर १३३ रनको चुनौती पछ्याउँदै

अन्तिम थापाको जस्तो नाम त्यस्तै काम 

प्रकाशित मिति : २०७४ बैशाख ३ आइतबार
अन्तिम थापा ब्याटीङ गर्दै। तस्विर: हाम्राकुरा

धनगढी । धनगढीमा भइरहेको धनगढी प्रिमियर लिग टी–२० डीपीएल क्रिकेटमा एकमात्र अपराजित टिम रुपन्देही च्यालेन्जर्सले दोस्रो स्थानमा रहेको विराटनगर किंगसलाई १३३ रनको चुनौती दिएको छ । 
खेलमा पहिले ब्याटिङ गरेको रुपन्देहीले ८ विकेटको क्षतिमा १३२ रन बनायो ।

 रुपन्देहीले ५४ रन जोड्दा ५ विकेट गुमाए पनि त्यसपछि भने केही सुधारोन्मुख प्रदर्शनसहित सम्मानजनक योगफल तयार गर्यो ।

रुपन्देहीका अन्तिम थापाले नामजस्तै अन्तिम बलमा आउट हुनुपूर्व ४५ रन जोडे । अन्तिमले १ छक्का र ५ चौकाको मद्धतले ४२ बलमा उक्त योगफल बनाएका हुन् । 

कृष्ण कार्कीले १६ बलमा २२ तथा पुष्प थापाले १४ बलमा १७ रन बनाए । दिपेन्द्र सिंह ऐरी र सुशील कर्णेलले २–२ विकेट लिए ।
यसअघि सुरुवातमै आउने र आउट हुने गरेका कप्तान शक्ति गौचन भने यो खेलमा नवौं नम्बरमा आएर १ रनमा नटआउट रहे । 

रुपन्देही ३ खेलबाट ६ अंकसहित शीर्ष स्थानमा छ । विराटनगर ४ खेलबाट ६ अंकसहित दोस्रो स्थानमा छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ