डिपीएल क्रिकेटको पहिलो चरणको अन्तिम भिडन्तमा रुपन्देही र धनगढी मैदानमा

प्लेअफ पुग्ने एक टिमको टुंगो लाग्दै

प्रकाशित मिति : २०७४ बैशाख ४ सोमबार

धनगढी । धनगढीमा भइरहेको धनगढी प्रिमियर लिग डिपीएल टी–२० क्रिकेटको लिग चरणको अन्तिम खेलमा अहिले रुपन्देही च्यालेन्जर्स र धनगढी टिम चौराह भिडिरहेका छन् ।

खेलमा रुपन्देहीले टस जितेर ब्याटिङ गरिरहेको छ । यो खेलबाटै प्लेअफमा पुग्ने एक टिमको टुंगो लाग्नेछ । 
६ टिम सहभागी प्रतियोगितामा रुपन्देहीमात्र अपराजित टिम हो ।

सत्प्रतिशत नतिजाबाट रुपन्देही प्लेअफमा पुगिसकेको छ । यो खेलमा विजयी भएमात्र धनगढीले प्लेअफका लागि चुनौती दिने छ । यो खेलमा पराजित भए २ अंकसहित लिगको पुछारमा रहेको धनगढी बाहिरिने छ ।

८ अंकसहित रुपन्देही शीर्ष स्थानमा रहँदा ६ अंकबाट दोस्रो स्थानमा रहेको विराटनगर किंगस पनि प्लेअफमा पुगेको छ । रन रेटमा काठमाडौं गोल्डेन्स पनि प्लेअफमा पुगेको छ ।

सीवाइसी अत्तरिया र कञ्चनपुरको समान ४–४ अंक छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ