सिरहा । हत्याको अभियोगमा अदालतबाट कैद सजाय पाएका एक अभियुक्तलाई २० वर्षपछि सिरहा प्रहरीले आज दिउँसो पक्राउ गरेको छ । पक्राउ पर्नेमा बैतौना गाविस–७ (हाल गोलबजार नपा–१२)का ७० वर्षीय सरयुग यादव रहेका छन् ।
घरमा लुकेर बसेको विशेष सूचना पाएपछि उनलाई घर मै पुगेर पक्राउ गरिएको इलाका प्रहरी कार्यालय गोलबजारका प्रहरी निरीक्षक सन्तोष निरौलाले जानकारी दिनुभयो ।
उहाँका अनुसार कर्तव्य ज्यान मुुद्दाका अभियोगमा यादवलाई जिल्ला अदालत सिरहाले २०५२ मङ्सिर ६ गते छ महिना कैदको फैसला सुनाएको थियो । कैदको सजाय पाएपछि अभियुुक्त यादव लुकीछिपी बस्दै आएका थिए ।
