-
-
-
-
बैंगलोर । भारतमा भइरहेको आइपीएल क्रिकेटको २९ औं खेल रद्द भएको छ । जारी संस्करणमा पहिलो खेल वर्षाले गर्दा रद्द भएको हो ।
योसंगै डिफेन्डिङ च्याम्पियन सनराइजर्स हैदराबाद र रोयल च्यालेन्जर्स बैंगलोरले अंक बाँडेका हुन् । मुम्बई १२ अंकबाट शीर्ष स्थानमा छ भने कोलकाता १० अंकसहित दोस्रो स्थानमा छ ।
हैदराबाद ९ अंकबाट तेस्रो, राइजिङ पुने सुपरजाइन्टस ८ अंकबाट चौथो, किंगस इलेभेन पंजाब ६ अंकसहित पाँचौं, बैंगलोर ५ अंकसहित छैटौं, त्यस्तै दिल्ली र गुजरातको ४–४ अंक छ ।
लिग अन्तर्गत बुधबार एउटामात्र खेल हुँदैछ । पुने र कोलकाताले राति ८ः१५ बजे पुनेमा खेल्दैछन् ।
