-
-
-
-
मोनाको । च्याम्पियन्स लिग फुटबलको दोस्रो सेमिफाइनलमा युभेन्टसले अग्रता लिएको छ । इटालियन क्लव युभेन्टसले सेमिफाइनलको पहिलो लेगमा फ्रेन्च क्लव मोनाकोलाई हराएको हो । घरेलु मैदानमा खेलेको मोनाकोलाई युभेन्टसले २–० ले हरायो ।
युभेन्टसलाई विजयी गराउन दुवै गोल गोन्जालो हिगुएनले गरे । पहिलो गोल २९ मिनेटमा गरेका हिगुएनले दोस्रो गोल ५९ मिनेटमा गरेका हुन् ।
अबे खेलमा अग्रता लिएसंगै युभेन्टस फाइनल पुग्ने पक्काजस्तै भएको छ । युभेन्टसका जियानलुइगी बुफोन ३९ वर्षका भए । तर अहिलेसम्म टिमलाई च्याम्पियन्स लिग जिताएका छैनन् ।
क्वार्टरफाइनलमा स्पेनिश क्लव बार्सिलोनामाथि शानदार जित आत्मसात् गरेको युभेन्टसले यसपटक ठूलै चमत्कार गर्न सक्ने अवसर पनि छ । दोस्रो लेग अर्को हप्ता ईटालीमा हुनेछ ।
अर्को सेमिफाइनलको पहिलो खेलमा स्पेनिश क्लव रियाल मड्रिडले घरेलु प्रतिद्धन्द्धी एथलेटिको मड्रिडमाथि ३–० को जित पाएको थियो ।
