बार्सिलोना र रियाल मड्रिडबीच उपाधिको टक्कर, तालिकामा बार्सिलोना अगाडि उपाधि सम्भावना रियालतिर
प्रकाशित २०७४ वैशाख २४ आइतबार
363
Shares
क्याम्प नोउ । स्पेनिश लिग ला लिगा फुटबलमा उपाधिको छिनोफानो हुँदै गर्दा बार्सिलोना र रियाल मड्रिडबीच ठूलो टक्कर देखिएको छ ।
३६ खेलबाट बार्सिलोनाको ८४ अंक छ । तर एक खेल कम खेलेको रियाल मड्रिडको पनि ८४ अंक नै छ ।
यो आँकडामा बार्सिलोना अगाडि भए पनि उपाधिको प्रमुख दावेदार भने रियाल मड्रिड नै भएको छ । बार्सिलोनाले अब दुई खेलमात्र खेल्न बाँकी छ ।
रियालले तीन खेल खेल्न बाँकी छ । अन्तिम खेलमा बराबरीमात्र गरे पनि रियाल मड्रिडले उपाधि जित्नेछ ।
शनिबार रातिका खेलमा बार्सिलोना र रियाल मड्रिड विजयी भए । बार्सिलोनाले भिल्लारियललाई घरेलु मैदानमा ४–१ ले हरायो ।
लिओनल मेस्सीले २ तथा नेइमार र लुइस सुवारेजले १–१ गोल गरे । भिल्लारियलका सेड्रिक बाकम्बुले सान्त्वना गोल गरे ।
रियाल मड्रिडले ग्रानाडालाई ४–० ले हरायो । रियाललाई जिताउन जेम्स रोड्रिग्वेज र अल्भारो मोराटाले २–२ गोल गरे ।
