-
-
-
-
स्टामफोर्ड ब्रिज । इंगलिश प्रिमियर लिग फुटबलमा उपाधि जितिसकेको चेल्सीले वाटफोर्डविरुद्ध संघर्षपूर्ण जीत हासिल गरेको छ ।
घरेलु मैदानमा खेलेको चेल्सीले वाटफोर्डलाई ४–३ ले हरायो । चेल्सीलाई कप्तान जोन टेरीले अग्रता दिलाएका थिए भने त्यसको दुई मिनेटमै वाटफोर्डले बराबरी गरेको थियो ।
३६ औं मिनेटमा चेल्सीले सेसारको गोलबाट अग्रता बनायो । ४९ मिनेटमा मिचीले गोल गर्दै अग्रता ३–१ को बनाए ।
तर फेरि त्यसको दुई मिनेटमै वाटफोर्डले गोल गर्दै दुरी कम गरायो । ७४ मिनेटमा वाटफोर्डले बराबरीको स्थितिमा ल्यायो ।
तर खेल सकिन दुई मिनेट बाँकी छँदा सेस फेब्रिगासले गोल गरेर चेल्सीलाई जिताए ।
चेल्सीको जारी सिजन सक्न एक खेल बाँकी छँदा ९० अंक भएको छ भने दोस्रो स्थानको टोटनह्यामको ८० अंक छ ।
