- सुन चाँदी दर
- विनिमय दर
- नेपाली पात्रो
- राशिफल
भरतपुर । भरतपुर महानगरपालिकाको वडा नम्बर १९ को मतगणना हुँदै गर्दा आइतबार राति मतपत्र च्यात्ने नयाँ घटना सार्वजनिक भएपछि आरोप र पत्यारोप बढ्दै गएको छ ।
माओवादी केन्द्रकी उम्मेदवार रेणु दाहालले पनि घटनाप्रति दुःख व्यक्त गर्दै एमालेले आफूविरुद्ध षड्यन्त्र गरेको आरोप लगाएकी छिन् ।
उनले माओवादीलाई बदनाम गर्न यस्तो घटना गराइएको आरोपसमेत लगाएकी छिन् । उनले भनिन्, ‘मैले जित्छु भन्ने देखेपछि एमालेले मतपत्र च्यातेको हो ।’
उनले आफूलाई ठूलो अन्याय भएकोसमेत बताएकी छिन् ।
दुई वटा वडाको मतगणना भइरहँदा रेणुले एमालेका उम्मेदवार देवी ज्ञवालीसंग सात सय मतको अन्तरमा झारेकी छिन् ।
मतगणना भइरहेको १९ र २० नम्बर वडा काँग्रेसको पकडमा रहेको वडा हो । काँग्रेस र माओवादी केन्द्रकी संयुक्त उम्मेदवार रेणु जितका लागि आतुर छिन् । तर अधिकांश समय देवी नै अगाडि रहेका छन् ।