विश्वकप छनोट फुटबलः जर्मनी चम्कियो, इंगल्याण्डलाई बराबरी गर्न सकस
प्रकाशित २०७४ जेठ २८ आइतबार
181
Shares
काठमाडौं । विश्वकप छनोट फुटबलमा जर्मनीले गोलको बर्षा गर्दा इंगल्याण्डलाई बराबरी गर्नै सकस भएको छ ।
युएफा अन्तर्गतको समूह सीमा जर्मनीले सान मारिनोलाई ७–० ले हरायो । सान्द्रो वाग्नरले ह्याट्रिक गरे भने जुलियन ड्राक्सलर, एमिन योन्स, सोकोद्रान मुस्ताफी र जुलियन ब्रान्डिटले १–१ गोल गरे ।
यो समूहमा नर्दन आयरल्याण्डले अजरबैजानलाई १–० ले हराउँदा नर्वेले चेक गणतन्त्रसंग १–१ को बराबरी खेल्यो ।
समूह एफको खेलमा इंगल्याण्डले स्कटल्याण्डसंग २–२ को बराबरी खेलेको छ । ७० औं मिनेटमा एलेक्स अक्सलेड च्याम्बरलेनले गोल गरी इंगल्याण्डलाई अग्रता दिलाए पनि ८७ औं र ९० औं मिनेटमा गरी दुई गोल गर्दै स्कटल्याण्डका लेइ ग्रिफिसले स्कटल्याण्डलाई जिताउने निश्चित गरे ।
तर इन्जुरी समयको तेस्रो मिनेटमा ह्यारी केनले गोल गर्दैै इंगल्याण्डलाई हारबाट जोगाए । अन्य खेलमा स्लोभेनियाले माल्टालाई २–० ले तथा स्लोभाकियाले लिभुआनियालाई २–१ ले हरायो ।
समूह इ को खेलमा डेनमार्कले काजखस्तानलाई ३–१ ले, पोल्याण्डले रोमानियालाई ३–१ ले तथा मोन्टेनेग्रोले अर्मानियालाई ४–१ ले हरायो ।
