सलमानको 'ट्यूबलाइट' मा अक्षयको रोल भाइ सोहेललाई दिएको खुलासा
सलमानको 'ट्यूबलाइट' मा यसरी आए अक्षयको ठाँउमा सोहेल
प्रकाशित २०७४ जेठ ३० मंगलबार
203
Shares
एजेन्सी । बलिउड चलचित्र 'ट्यूबलाइट'मा अक्षय कुमारलाई सलमान खानको भाइ बनाउने सोच निर्देशक कबीर खानले राखेका थिए । निर्देशक खानका अनुसार सलमानको आगामि चलचित्र 'ट्यूबलाइट'मा उनको भाईको रोल अक्षयको लागि लेखिएको थियो ।
निर्देशक खानले 'ट्यूबलाइट' बनाउने प्लान गर्दै सलमानको भाइको भुमिकामा सबै भन्दा पहिले अक्षय कुमारलाई सम्झेका थिए । सलमान खान र अक्षय कुमार 'मुझसे शादी करोगी' र 'जानेमन' चलचित्रमासँगै काम गरिसकेका छन् । यी चलचित्रमा दुवैको भुमिका दर्शकले निकै रुचाए ।
सो समय कबीरले चलचित्रमा सोहेल खानलाई राख्ने बारे सोचेका थिएनन् । कबीरले सलमानको भाईको रूपमा कुनै स्टारलाई नै राख्न चाहान्थे जुन सलमानको भाई नहोस् । जब खानले स्क्रिप्ट पुरा गरे र कलाकार छान्ने समय आयो तब कबीरलाई सोहेलनै ठिक लाग्यो । साथै यो कुराले सलमान पनि उत्साहित भए ।
सलमानले चलचित्रमा आफ्नै भाई भए इमोशनल सीनको लागि अझ सशक्त तरिकाले गर्न सक्ने समेत खानलाई सुझाए । कबीर पनि सो कुरामा सहमत भए र सोहेलको चलचित्र 'ट्यूबलाइट' मा स्थान दिए । सोहेल र सलमान 'मेने प्यार क्यो किया' चलचित्रमा सँगै काम गरिसकेका छन् । चलचित्र जुन २३ मा रिलिज हुदैछ ।
