-
-
-
-
हेटौँडा । जिल्ला समन्वय समिति मकवानपुरले चेपाङ विकास कार्यक्रम अन्तर्गत जिल्लाका विभिन्न क्याम्पस तथा उच्च माविमा अध्ययनरत ६९जना चेपाङ बिद्यार्थीहरुलाई दुईलाख पचासहजार रुपैंयाको छात्रबृति प्रदान गरेको छ ।
छात्रबृति रकम पाउनेमा राष्ट्रिय रोटरी उच्च मावि मनहरीका ३२जना महेन्द्र किरण उच्च मावि ज्यामिरेका १४जना, हेटौंडा क्याम्पसका ६जना, निर्मल बहुमुखी क्याम्पस बस्तीपुरका ५जना, भुटनदेवी उच्च माविका ४ जना र कालीकाटार उच्च मावि नामटारका ४ गरी ६९चेपाङ बिद्याथीलाई छात्राबृति प्रदान गरिएको चेपाङ विकास कार्यक्रमका सदस्य सचिव राजाराम थापाले बताए ।
कक्षा ११ र १२ मा विभिन्न संकायमा अध्ययनरत क्रमश ५० जना र १९ जना चेपाङ बिद्यार्थीलार्इ जनही पाँच÷पाँचहजारका दरले ९५ हजारको रकम सहित वार्षिक छात्रबृति प्रदान गरिएको सदस्य सचिव थापाले बताए ।
