अवैध कल बाइपासका फरार अपराधी सहित चार अभियुक्त पक्राउ (हेर्नुस् कर्तुत)

प्रकाशित २०७२ पुष २१ मंगलबार

काठमाडौं । प्रहरी प्रधान कार्यालय केन्द्रीय अनुसन्धान ब्यूरोको टोलीले अवैध कल बाइपास गर्ने चार अभियुक्तहरुलाई पक्राउ गरेको छ । ब्यूरोको टोलीले कल बाइपासमा प्रयोग भएका सामग्री समेत बरामद गरेको छ । पक्राउ पर्नेमा २९ वर्षीय जावेद खान, ३२ वर्षीय दिवाकर नकर्मी, २४ वर्षीय नबिन कायस्थ र ३० वर्षीय जयराम गौतम छन् ।

ती चार मध्ये काठमाडौं महानगरपालिका–१५ स्वयम्भुका २९ वर्षीय जावेद खानले आफु बंगलादेशी नागरिक रहेको भन्दै यसअघि समेत कल वाईपासमा संलग्न बंगलादेशी नागरिकहरु सँग आफु समेत बंगलादेशी हुँ भनि कल बाइपास गर्ने अवैध कार्य सिकेका बताइएको छ । २०६८ साल बाट अवैध कल बाइपास गर्ने कार्य गरेकामा ब्युरोबाट समेत अवैध कल बाइपास गरिरहेको थाहा पाएपछि अनुसन्धान थालिएको थियो । कल बाइपासमा प्रयोग हुने विभिन्न उपकरणसहित उनी २०७० साउन २ गते काठमाडौंको ग्राण्डी टावर अपार्टमेन्टबाट पक्राउ परेका थिए ।

अनुसन्धान कार्य पुरा गरी सरकारी वकिल कार्यालय काठमाडौं मार्फत जिल्ला अदालतमा पेश भएकामा एक लाख धरौटी राखि तारेखमा रिहा भएका खान पुनः कल बाइपासमा संलग्न रहेकाले पक्राउ परे । तोकिएको तारिखमा अदालतमा उपस्थित नभई उनी अदालतको आदेशको वेवास्ता गरी उल्टै अवैध कल बाइपासमा संलग्न रहँदै आएकोमा काठमाडौं जिल्ला अदालतले २०७१ जेठ २५ गतेको फैसलाले एक लाख जरिवाना तथा दुई वर्ष कैद तोकेको थियो । खानका सहयोगीहरु यसअघि पक्राउ परेका थिएनन् ।

पक्राउ परेकाहरुको विवरण

१) नाम : जावेद खान

उमेर : २९ बर्ष

ठेगाना : जि.काठमाण्डौं, का.म.न.पा १५, स्वयम्भु

भूमिका : निज प्रतिवादीले VOIP मा प्रयोग हुने उपकरणहरु विदेशबाट झिकाउने,

सो सामान हरु Assemble गर्ने, अन्तराष्ट्रिय कल क्यारियर हरु सँग समन्वय गर्ने साथै अन्य प्रतिवादीलाई आवश्यकता अनुसार प्रयोग गर्ने लिडरको रुपमा काम गरेको ।

२) नाम : दिवाकर नकर्मी

उमेर : ३२ बर्ष

ठेगाना : जि.सिन्धुपाल्चोक, नवलपुर-६ स्थायी वतन भई हाल

का.जि.का.म.न.पा २९

भुमिका : निज प्रतिवादीले जावेद खान सँग समन्वय गरी लगानी समेत गरेको ।

३) नाम : नबिन कायस्थ

उमेर : २४ बर्ष

ठेगाना : जि.सिन्धुपाल्चोक, बाँडेगाँउ-९ स्थायी वतन भई हाल

का.जि.का.म.न.पा २९

भुमिका : निज प्रतिवादीले सिम र रिचार्ज कार्ड ब्यबस्था गर्ने र VOIP संचालन भएको

स्पटमा संचालन गर्ने जिम्मेवारी रहेको ।

४) नाम : जयराम गौतम

उमेर : ३० बर्ष

ठेगाना : जि.ललितपुर,कालेश्वर -७ स्थायी वतन भई हाल का.जि.का.म.न.पा २९

भुमिका : VOIP संचालनमा प्रयोग हुने सिम कार्ड र रिचार्ज कार्ड उपलब्ध गराउने ।

सामाखुसीबाट बरामद सामानहरुः

v १६ पोर्टको GOIP Device थान २

v E- Goin१२८ पोर्टको थान १

v Smart Switch थान १

v Battery थान – १

v Laptop थान-२

v TP link को router थान -१

v NCELL का प्रयोग भएका कार्ड होल्डर थान १४

v NTC का प्रयोग भएका कार्ड होल्डर थान १३५

v NTC को SIM थान -३९०

v NCELL को SIM थान -४४

ताहाचलबाट बरामद सामानहरुः

v १६ पोर्टको GOIP Device थान २

v Huawei को USB Moudiem थान १

v Battery थान – १

v Laptop थान-१

v TP link को Wireless router थान -१

v NTC का प्रयोग भएका कार्ड होल्डर थान १४

v NTC को SIM थान -३

अबैध कल बाइपास बिरुद्ध हालसम्म ८९ स्थानहरुमा भएको कारवाहीमा नेपाली १०५ र बिदेशी ३६ गरी १४१ जनालाई पक्राउ गरिएको, पक्राउ अभियुक्तहरु बिरुद्ध रु. १३,४५,५७,८२,२२६/५७ को बिगो मागदाबी लिई सम्मानित अदालतमा मुद्धा दायर गरिएको । अबैध VOIP बिरुद्ध गरिएको कारवाहीमा हालसम्म बिभिन्न दुर संचार कम्पनिहरुका २१,०००/- थान भन्दा बढी सिम कार्डहरु र VOIP मा प्रयोग हुने आधुनिक उपकरणहरु समेत बरामद गरिएको ।