-
-
-
-
जमैका । भारत विरुद्धको एकमात्र टी–२० क्रिकेटमा वेष्ट इन्डिजले सनसनीपूर्ण ९ विकेटको जित निकालेको छ ।
१९१ रनको चुनौती पछ्याएको वेष्ट इन्डिजले १८.३ ओभरमा १ विकेटको नोक्सानीमा जित निकालेको हो ।
इभाँ लुइसले किर्तिमानी सतक बनाएपछि जित सहज भएको हो । कुनै पनि टी–२० को चुनौती पछ्याउने क्रममा लुइसले बनाएको नटआउट १२५ रन किर्तिमान हो ।
उनले १२ छक्का र ६ चौकाको मद्धतले ६२ बलमै उक्त किर्तिमान बनाएका हुन् ।
मार्लोन सामुइलले २९ बलमा नटआउट ३६ तथा क्रिस गेलले २० बलमा आउट हुँदै १८ रन बनाए ।
यसअघि भारतले कप्तान विराट कोहलीको ३९ रनको मद्धतले ६ विकेटको नोक्सानीमा १९० रन बनाएको थियो ।
गत वर्ष अमेरिकामा भएको दुई खेलको टी–२० पनि वेष्ट इन्डिजले १–० ले जितेको थियो ।
