विम्बल्डन टेनिसः महिलातर्फको उपाधि मुगुरुजालाई, पुरुषतर्फ फेडेरर र सिलिच भिड्दै
प्रकाशित २०७४ साउन १ आइतबार
311
Shares
लन्डन । यस वर्षको विम्बल्डन टेनिसको महिलातर्फको उपाधि स्पेनिस खेलाडी गार्बिने मुगुरुजाले जितेकी छिन् ।
शनिबार राति लन्डनमा भएको फाइनलमा ३७ वर्षकी पाकी अमेरिकन खेलाडी भेनस विलियम्सलाई हराउँदै मुगुरुजाले विम्बल्डन टेनिसको उपाधि जितेकी हुन् ।
यो हारले भने भेनसले लामो समयको अन्तरालपछि ग्रान्डस्लाम जित्ने सपनामा पानी फेरेकी छिन् । पहिलो सेटमा प्रतिस्पर्धात्मक खेलेकी भेनसले दोस्रो सेटमा निराशाजनक प्रदर्शन गरिन् ।
पाँच पटककी पूर्वविजेता भेनसविरुद्धको खेल मुगुरुजाले ७–५ र ६–० को सोझो सेटमा जितिन् । गत वर्ष फ्रेन्च ओपन टेनिस जितेकी मुगुरुजाको समग्रमा यो दोस्रो ग्रान्डस्लाम उपाधि हो ।
पुरुषतर्फको फाइनल खेल आइतबार राति हुँदैछ । उपाधिका लागि १८ पटकका ग्रान्डस्लाम विजेता स्वीस खेलाडी रोजर फेडेरर र क्रोएसियन यंगस्टार मारिन सिलिच भिड्दै छन् ।
