अन्तर्राष्ट्रिय च्याम्पियन्स कप फुटबलमा बार्सिलोनाले युभेन्टसलाई हरायो, दुवै गोल नेइमारको
प्रकाशित २०७४ साउन ८ आइतबार
236
Shares
मेटलाइफ स्टेडियम । नेइमारको ट्रान्सफर हल्ला चलिरहेका बेलामा भएको अन्तर्राष्ट्रिय च्याम्पियन्स कप फुटबलमा आकर्षक खेल प्रदर्शन गरेका छन् ।
अमेरिकाको मेटलाइफ स्टेडियममा भएको खेलमा नेइमारको स्पेनिश क्लव बार्सिलोनाले इटालियन क्लव युभेन्टसलाई २–१ ले हरायो । दुवै गोल नेइमारले नै गरेका हुन् ।
८२,५०० दर्शक सामु खेलेको बार्सिलोनाले जित हासिल गर्दा चर्चा भने नेइमारको रह्यो । जर्जियो चिलेइनीले युभेन्टसलाई सान्त्वना गोल दिलाए ।
घरेलु लिग सुरु हुनुअघि चर्चित क्लवहरु मैत्रिपूर्ण अन्तर्राष्ट्रिय खेलमा लागेका हुन् ।
नर्थअमेरिका समूहमा बार्सिलोना, युभेन्टस, टोटनह्याम हट्सपर र पेरिस सेन्ट जर्मेन रहेका छन् । टोटनह्यामले जर्मेनलाई ४–२ ले हरायो ।
चाइना समूहको खेलमा एसी मिलानले बायर्न म्युनिखलाई ४–० ले हरायो ।
एसिया ट्रफी समूहको खेलमा लिभरपुलले लेस्टर सिटीलाई २–१ ले तथा क्रिष्टल प्यालेसले वेष्टब्रोमविच आल्बियनलाई २–० ले हरायो ।
