-
-
-
-
मायामी । स्पेनिस फुटबल क्लव बार्सिलोनाले लिगमा भोगेको हारको बदला लिने क्रममा रियाल मड्रिडलाई हराएको छ । अन्तर्राष्ट्रिय च्याम्पियन्स कप उत्तर अमेरिकी समूह अन्तर्गतको खेलमा बार्सिलोनाले रियाल मड्रिडलाई ३–२ ले हरायो ।
मायामीमा भएको खेलमा बार्सिलोनाका लागि लियोनल मेस्सी, इभाँ राकिटिक र जेरार्ड पिकेले गोल गरे ।
रियाल मड्रिडका माटेओ कोभासिक र मार्को असेन्सियोले गोल गरे ।
यो हारले ८ टिम सहभागी प्रतियोगिताको अंक तालिकामा ३ खेलबाट १ अंकसहित रियाल मड्रिड पुछारमा छ भने ९ अंक जोडेर बार्सिलोना शीर्ष स्थानमा छ ।
त्यस्तै इंगलिस क्लव टोटनह्याम हट्सपरलाई ३–० ले हराएर अर्को इंगलिस क्लव म्यानचेस्टर सिटी ६ अंकसहित दोस्रो स्थानमा छ ।
म्यानचेस्टर सिटीका लागि जोन स्टोन्स, रहिम स्टर्लिङ र ब्राहिम डियाजले गोल गरे ।
