आन्दोलन अन्त्य गर्ने मोर्चाको तयारी

वाहनाको खोजी

प्रकाशित मिति : २०७२ पौष २४ शुक्रबार
File Photo
 
काठमाडौ । लामो समयदेखि तराई मधेशमा आन्दोलन गर्दै आईरहेको मधेशी मोर्चाले आन्दोलनलाई टङग्याउने उपायको खोजी गर्न थालेको छ । 
 
आन्दोलनमा जनसहभागीता लाजमर्दो हुदै गएको र आन्दोलनले मधेशी जनतालाई नै सकस पारेकाले आफुहरुप्रतिको वितृष्ण बढ्दै गएको ठानेर मोर्चाले आन्दोलन अन्त्य गर्ने वाहनाको खोजी गर्न लागेको हो । 
 
मोर्चाका अधिकाँश नेताले आन्दोलनका कारण मधेशका जनताको जनजीवन कष्टकर भएको र प्रमुख दलसँगको वार्ता पनि सकारात्मक रुपमा अगाडि बढेको अवस्थामा आमहड्ताल फिर्ता गर्नुपर्ने धारणा राखेका छन् । तर केही नेताहरुले भने आफूले राखेका माग पूरा भइनसकेको अवस्थामा आमहड्ताललाई निरन्तरता दिएर थप दवाब सिर्जना गर्नुपर्ने बताएका छन् ।
 
मोर्चाको विहिवारको बैठकमा आन्दोलनका नयाँ कार्यक्रम घोषणा गर्ने वा नगर्ने वा आमहड्ताललाई निरन्तरता दिने वा नदिने विषयमा नेताहरुको फरक फरक धारणा आएको छ ।
 
आन्दोलनका बारेमा नेताहरुको एकमत नभएकाले मोर्चाको बैठक आज शुक्रवार बस्नेगरी विनानिश्कर्ष सकिएको थियो । 
 
तराई मधेश लोकतान्त्रिक पार्टीको कार्यालयमा बस्ने आजको बैठकमा पनि आन्दोलनलाई कसरी अन्त्य गर्ने वा आन्दोलनको स्वरुप परिवर्तन गर्ने भन्ने विषयमै छलफल हुने नेताहरुले बताएका छन् । 
 
आम हड्ताललाई जारी राख्ने संभावना न्युन रहेको एक नेताले बताए । “ अहिले नै आम हड्ताल फिर्ता हुन्छ भन्न त म सक्दीन, तर मोर्चाले हड्ताल फिर्ता लिएर आन्दोलनको स्वरुप परिवर्तन गर्ने संभावना बढी छ,” ति नेताले भने 
 
मोर्चाले मधेशका जिल्लामा २ वटा प्रदेश बनाइनुपर्ने, जनसंख्याका आधारमा निर्वाचन क्षेत्र निर्धारण गरिनुपर्ने लगायतका माग राखेर करिब ५ महिना अगाडिदेखि आन्दोलन गर्दै आएको छ ।  
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ