इंग्ल्याण्ड महिला युरोपियन च्याम्पियनसिप फुटबलको सेमिफाइनलमा, ४३ वर्षपछि हरायो फ्रान्सलाई
प्रकाशित २०७४ साउन १६ सोमबार
387
Shares
हल्याण्ड । इंग्ल्याण्ड महिला युरोपियन च्याम्पियनसिप फुटबलको सेमिफाइनलमा प्रवेश गरेको छ ।
हल्याण्डमा भएको खेलमा आइतबार राति फ्रान्सलाई १–० ले हराउँदै इंग्ल्याण्डले सेमिफाइनलमा स्थान बनाएको हो ।
इंग्ल्याण्डलाई विजयी गराउन जोडी टेलरले ६० औं मिनेटमा निर्णायक गोल गरिन् । हंग्ल्याण्डले ४३ वर्षपछि पहिलो पटक फ्रान्सलाई हराएको हो । टेलरले च्याम्पियनसिपमा ५ गोल गरिसकेकी छिन् ।
योसंगै इंग्ल्याण्ड २२ वर्षपछि पहिलो पटक सेमिफाइनलमा पुगेको हो । इंग्ल्याण्डले अब फाइनल प्रवेशका लागि आयोजक नेदरल्याण्डससँग प्रतिस्पर्धा गर्ने छ ।
अर्को सेमिफाइनलमा अस्ट्रिया र डेनमार्क भिड्ने छन् । स्पेनलाई टाइब्रेकरमा ५–३ ले हराउँदै अस्ट्रियाले सेमिफाइनलमा स्थान पक्का गरेको छ ।
निर्धारित र थप गरिएको समयमा दुवै तर्फबाट गोल हुन नसकेपछि खेलको निर्णय टाइब्रेकरबाट लिइएको हो । डेनमार्कले जर्मनीलाई २–१ ले हराउँदै सेमिफाइनलमा स्थान बनाएको हो ।
