साउन ९ गतेदेखि आमरण अनसनरत डा केसीको माग सम्बन्धमा शिक्षा मन्त्री र संसदीय समितिबीच छलफल

साउन ९ गतेदेखि आमरण अनसनरत डा केसीको माग सम्बन्धमा शिक्षा मन्त्री र संसदीय समितिबीच छलफल

प्रकाशित २०७४ साउन १८ बुधबार

govinda-kc-kabadi-bed-ma-sutdai.jpeg.jpeg

काठमाडौँ । अनशनरत प्रा डा गोविन्द केसीको माग सम्बोधन गर्न चिकित्सा शिक्षा विधेयकबारे सम्बन्धित मन्त्री र संसदीय समितिबीच छलफल भएको छ ।

केसीको प्रमुख मागको विषय बनेको चिकित्सा शिक्षा विधेयकका सम्बन्धमा उपप्रधान तथा शिक्षा मन्त्री गोपालमान श्रेष्ठ, स्वास्थ्यमन्त्री गिरिराजमणि पोखरेल, व्यवस्थापिका–संसद्, महिला बालबालिका ज्येष्ठ नागरिक समाजका सभापति रञ्जुकुमारी झा, तत्कालीन माथेमा आयोगको प्रतिवेदन तयारीमा मुख्य भूमिका खेल्ने पदाधिकारी र डा केसीका प्रतिनिधिसहितको बैठक बसेकोे शिक्षा मन्त्रालयकी सहप्रवक्ता सरस्वती पोखरेलले जानकारी दिइन् ।

बैठकमा सबै पक्षले आआफ्नो धारणा राख्दै विधेयकका समेटिनुपर्ने बुँदाहरुबारे विस्तृतमा छलफल गरेका थिए । डा केसी पक्षका वार्ता टोली सदस्य डा अभिषेकराज सिंहले आज सैद्धान्तिक विषयमा छलफल भएको र बुधबार अपराह्न ३ बजे पुनः वार्ता हुने जानकारी दिए ।