संशोधन प्रस्तावमाथिको दफावार छलफल सम्पन्न

प्रकाशित मिति : २०७४ भदौ ५ सोमबार
फाइल तस्विर

काठमाडौँ । व्यवस्थापिका–संसद्मा नेपालको संविधान दोस्रो संशोधन विधेयक २०७३ माथिको दफावार छलफल सकिएको छ । उक्त विधेयकको दफावार छलफलमा ५३ सांसदले भाग लिएका थिए । उक्त प्रस्ताव साउन ३२ गते सदनमा पेश गरिएको थियो । विधेयकमाथि ५० संशोधन पेश भएका छन् । अहिले बैठकमा संशोधन प्रस्तावमाथि परेको संशोधन निर्णयार्थ प्रस्तुत गर्ने क्रम चलेको छ ।

यसअघि कानून, न्याय तथा संसदीय मामिलामन्त्री यज्ञबहादुर थापाले उक्त प्रस्तावमाथि सांसदले उठाएको जिज्ञासाको जवाफ दिँदै राष्ट्रवादका र राष्ट्रघातका विषयमा हलुका ढंगबाट टीकटिप्पणी नगर्न सुझाव दिए ।

 प्रस्तुत संशोधन प्रस्तावले संविधानको स्वीकार्यता बढाउन र संघीयता कार्यान्वयनमा ठूलो योगदान दिने बताउँदै उनले संविधान सशोधन प्रस्तावलाई अघि बढाउनका लागि सहयोग पुर्‍याउन सवै राजनीतिक दलसँग आग्रह गरे। रासस

नयाँ