'थप एक वर्ष तालिम'को व्यवस्थाले समस्या गरेको भारतमा सिए पढिरहेका नेपालीको गुनासो

प्रकाशित २०७४ भदौ १० शनिबार

काठमाडौं । भारतमा सि ए अध्ययन गर्दै आईरहेका विद्यार्थीहरुको एउटा समूहले भारत भ्रमणमा रहेका प्रधानमन्त्री सहित अन्य मन्त्रीहरुलाई आफूहरुको अध्ययन पछिको मुख्य समस्याबारे गुनासो गरेका छन् ।

भारतमा सिए अध्ययन गर्दै गरेकी चितवनकी मनीषा अर्याल उप्रेतीको संयोजनमा दिल्लीको एक होटलमा भएको भेटमा भारतमा सि ए अध्ययन गरेपछि नेपालमा काम गर्न थप एक वर्ष तालिम गर्नुपर्ने प्रावधानलाई खारेज गर्नुपर्ने र अब लागु हुन लागेको भारतमा अध्ययन गरेका सि ए विद्यार्थीलाई नेपालमा मान्यता नदिने निर्णय नेपाली विद्यार्थीको हित विपरीत भएको भन्दै गुनासो ब्यक्त गरेका थिए ।

जवाफमा भारत भ्रमणमा रहेका नेपालका मन्त्रीहरुले चाडैले यो समस्यालाई टुंगाउने बताएको नेबिसंघ भारतकी अध्यक्ष समेत रहेकफ उप्रेतीले जानकारी दिइन्।