यहाँ आयोजना हुन लागेको एक म्याराथन प्रतियोगितामा बलिउडकी सुन्दर अभिनेत्री क्याट्रिना कैफ दौडने भएकी छन् । ३२ वर्षे अभिनेत्रीले यो कुराको पुष्टि गर्दै रानी स्क्रुवालाको च्यारिटी फाउण्डेसनको लागि आफु दौडन लागेको बताईन् ।
‘मेरो ट्रेनर यासमीन मलाई दौडाउनका लागि निकै मेहनत गरिरहेका छन् र म आफुलाई यो चुनौति सामना गराउन तयार गरिरहेकी छु ।’ उनले भनेकी छन् । उनको ट्रेनरले क्याट्रिना एक व्यावसायिक धाविका नभएका कारण ६ किलोमिटरको ‘ड्रीम रन’मा मात्र हिस्सा लिने बताए ।
क्याट्रिनाबाहेक अमिताभ बच्चन, अक्षय कुमारलगायतका चर्चित अनुहार पनि म्याराथनमा देखिँदैछन् ।